ಅಶ್ವಿನಿ (ಅಸೋಸಿಯೇಷನ್ ಫಾರ್ ಹೆಲ್ತ್ ವೆಲ್ಫೇರ್ ಇನ್ ದಿ ನೀಲಗಿರಿಸ್)

ಅಶ್ವಿನಿ ಸಂಸ್ಥೆಯ ‘ಗೂಡಲೂರು ಆದಿವಾಸಿ ಆಸ್ಪತ್ರೆ’ಯು (GAH) 1990 ರಲ್ಲಿ ಸ್ಥಾಪನೆಯಾಯಿತು. ಇದು ತಮಿಳುನಾಡಿನ ಅತ್ಯಂತ ಹಿಂದುಳಿದ ಪ್ರದೇಶಗಳಲ್ಲಿನ ಜನರಿಗೆ ಸೇವೆ ಸಲ್ಲಿಸುತ್ತಿರುವ, ಸಮುದಾಯದ ಒಡೆತನದ 50 ಹಾಸಿಗೆಗಳ ಲಾಭರಹಿತ ಆಸ್ಪತ್ರೆಯಾಗಿದೆ. ಇಲ್ಲಿ ಸಾಮಾನ್ಯ ಶಸ್ತ್ರಚಿಕಿತ್ಸೆ, ಪ್ರಸೂತಿ ಮತ್ತು ಸ್ತ್ರೀರೋಗ ಚಿಕಿತ್ಸೆ, ಕುಟುಂಬ ವೈದ್ಯಕೀಯ ಸೇವೆ, ತುರ್ತು ಮತ್ತು ರೋಗನಿರ್ಣಯ ಸೇವೆಗಳು ಹಾಗೂ ಭೇಟಿ ನೀಡುವ ತಜ್ಞ ವೈದ್ಯರ ಕ್ಲಿನಿಕ್ ಲಭ್ಯವಿವೆ. 12 ಹಾಸಿಗೆಗಳ ಹೆರಿಗೆ ವಿಭಾಗವನ್ನು ಹೊಂದಿರುವ ಈ ಆಸ್ಪತ್ರೆಯು, ಈ ಭಾಗದ ಶೇ. 94 ರಷ್ಟು ಆದಿವಾಸಿ ಮಹಿಳೆಯರು ಆಸ್ಪತ್ರೆಯಲ್ಲೇ (ಹೆಚ್ಚಾಗಿ GAH ನಲ್ಲೇ) ಹೆರಿಗೆಯಾಗುವುದನ್ನು ಖಚಿತಪಡಿಸಿದೆ. ಇದರ ಸಮುದಾಯ ಆರೋಗ್ಯ ಕಾರ್ಯಕ್ರಮವು ಆರೋಗ್ಯ ಕೇಂದ್ರಗಳು, ಆರೋಗ್ಯ ಕಾರ್ಯಕರ್ತರು ಮತ್ತು ಹಳ್ಳಿಯ ಸ್ವಯಂಸೇವಕರ ಮೂಲಕ 320 ಹಾಡಿಗಳಲ್ಲಿರುವ 20,000 ಆದಿವಾಸಿಗಳನ್ನು ತಲುಪುತ್ತಿದೆ.